KOI Thé (已搬遷) 新店位置

旺角登打士街完全掃街天堂，各式小食、飲品應有盡有，去到旺角掃街一定要去。好耐無出旺角，今次一去，發現多左好多台式飲品店，間間都話自己係來自台灣，要諗飲邊間都幾傷腦筋。我只記得台灣既50嵐，所以就揀左飲呢間KOI THE。其實我本身無飲過既，但見到50嵐個名，可以放心試啦。好似好有多選擇，但我最愛既台式飲品係珍珠奶茶，所以我揀左黃金珍奶。黃金珍珠原來唔同普通珍珠，唔係黑色，係透明。其實食落同珍珠唔同味，黃金珍珠就甜甜地，接近大西米既口感，好似無普通珍珠甘好𡁻口。 奶茶係好滑，重奶味。不過我要左半糖，所以我覺得唔夠甜。飲得珍珠奶茶唔可以怕肥，下次要多番d糖。杯上面有張label教你要飲得健康，可減糖或少糖。要健康定好飲，大家可以自己揀。