影片
更多
2022-06-01
71 瀏覽
又到左同紀念日(我宜家都仲係每個月會慶祝架！)記得之前bookmark 左呢間餐廳，餐廳放左好多當代藝術品樓底超高仲有幅落地大玻璃最吸引我係可以自己Send相印落杯野飲度雖然其實都係得個女仔(即係我本人)好high, 男仔覺得無乜特別不過我就係鍾意紀念日做啲打卡野丫😛__________________________🔹藝術打印咖啡 $88👰🏻:🌕🌕🌕🌕🌗🤵🏻:🌕🌕🌕🌗🌑Keto friendly: ❌可以即刻send 或者air drop d相俾店員然後print 相片印喺一層好厚嘅奶泡上面，放好耐都唔會變色變形，可以放心慢慢打卡印出嚟嘅相會比原本深色啲但基本上同原圖一模一樣.除咗咖啡都仲可以揀朱古力因為要印相喺上面，所以只可以係凍飲我揀既係朱古力，幾濃，唔會太水同飲到粉算係杯幾好飲既朱古力.🔹招牌波士頓龍蝦意大利麵 $218👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌上枱就聞到好香嘅牛油同龍蝦味龍蝦已經切開起埋肉，好大舊肉又方便食意粉用左扁意粉，好掛汁汁醬係龍蝦殼熬出嚟再加埋蕃茄香草，好濃郁又幾開胃.🔹招牌安格斯高級牛扒 $238👰🏻:🌕🌕🌕🌕🌑🤵🏻:🌕🌕🌕🌕🌑
(我宜家都仲係每個月會慶祝架！)
記得之前bookmark 左呢間餐廳，
餐廳放左好多當代藝術品
樓底超高仲有幅落地大玻璃
最吸引我係可以自己Send相印落杯野飲度
雖然其實都係得個女仔(即係我本人)好high,
男仔覺得無乜特別
不過我就係鍾意紀念日做啲打卡野丫😛
__________________________
🔹藝術打印咖啡 $88
👰🏻:🌕🌕🌕🌕🌗
🤵🏻:🌕🌕🌕🌗🌑
Keto friendly: ❌
可以即刻send 或者air drop d相俾店員然後print
相片印喺一層好厚嘅奶泡上面，
放好耐都唔會變色變形，可以放心慢慢打卡
印出嚟嘅相會比原本深色啲
但基本上同原圖一模一樣
.
除咗咖啡都仲可以揀朱古力
因為要印相喺上面，所以只可以係凍飲
我揀既係朱古力，幾濃，唔會太水同飲到粉
算係杯幾好飲既朱古力
.
🔹招牌波士頓龍蝦意大利麵 $218
👰🏻:🌕🌕🌕🌕🌑
🤵🏻:🌕🌕🌕🌕🌑
Keto friendly: ❌
上枱就聞到好香嘅牛油同龍蝦味
龍蝦已經切開起埋肉，好大舊肉又方便食
意粉用左扁意粉，好掛汁
汁醬係龍蝦殼熬出嚟再加埋蕃茄香草，
好濃郁又幾開胃
.
🔹招牌安格斯高級牛扒 $238
👰🏻:🌕🌕🌕🌕🌑
🤵🏻:🌕🌕🌕🌕🌑
Keto friendly: ⭕️
Order左五成熟，煎得啱啱好
粉嫩得來冇血水，肉質軟冧幼嫩，一啲都唔靭
肥膏唔會特別多，就夾係肉縫中間
所以啖啖都肥瘦均勻
半碟嘅焗蒜頭同牛扒好match
一件一粒，令牛扒更香口，層次更豐富
.
🔹蟹肉芒果沙律 $128
👰🏻:🌕🌕🌕🌕🌑
🤵🏻:🌕🌕🌕🌕🌑
Keto friendly: ⭕️
好清新既配搭，
蟹肉碎配埋芒果肉同大量新鮮蔬菜
食完濃味野清清喉嚨就啱晒
張貼
