名苑酒家

營業中

休息中

第一次去杏花村名苑食晚飯，夜晚8點去到，都唔需要等位，就已經有大枱。我哋7個人，其中3個都比較細食，所以叫咗個6人套餐，澳洲龍蝦乳豬餐。好快就上菜，頭盤亂醋海蜇，之後就上埋海底椰燉雞湯、翡翠炒龍躉球、養生粒粒竹泡青菜、古法蒸龍躉頭腩、上湯焗澳洲龍蝦南瓜麵、黃金脆皮雞、古法紅棗花包，然後另加咗3隻潤燒乳鴿，同埋啤酒。值得一讚，當晚翡翠炒龍躉球，龍躉肉夠大塊，炒得幾香兼入口彈牙，龍蝦南瓜麵嘅龍蝦肉都好多，南瓜麵都好好味，唔油膩，而最受歡迎嘅紅棗花包，真係好香嘅紅棗味，入口又軟又Q又彈牙，最後仲額外叫多半打。總結：食物質素都唔錯，職員態度一般，唔算差，亦唔算好，只有一個後生女最好笑容，其他都似機械人，最唔好嘅就係有個女職員上湯時，攞湯碗俾食客時，見到佢帶咗手套，有一手隻手指套係掂到啲湯，感覺好唔乾淨，其他都無咩特別。