紅椒力量 (已結業)

去左v city濕平，係時候揾野食，通常小妹會幫襯食越南野，起碼價錢貼地返小小，而家晚餐郁啲都二三百蚊上落，但今日月頭，比個藉口食餐好嘅呢間紅椒力量，比佢個炒金邊粉同喇沙吸引到，入到去都幾多人，相比隔離再隔離個咖喱飯，人流真係爭幾遠下睇個menu睇睇下，都係炒金邊粉好，貪佢酸酸甜甜開胃啲，男人反而揀左個豬脾飯，肉感一流先係男人嘅豬脾飯上枱先，有餐湯跟，老火湯，都幾濃味同有肉嘅甜味，唔錯，個豬脾飯嘅豬脾肉量多，唔會好孤寒咁得两三舊，肉好稔加上豬皮厚，所以好有咬口，不過感覺肉略為唔夠入味，但色水搭夠而個海鮮炒金邊粉上枱耐左小小，而且炒得濕左小小，不過夠晒味，酸度甜度岩岩好，岩晒呢個大熱天時食，夠晒開胃，海鮮份量就無豬脾飯咁重料，不過都尚可接受另外叫左半打串燒，豬肉同雞肉幾欣賞佢個雞肉串燒，因為雞肉好嫩滑，燒得剛剛好豬肉都夠入味，同雞肉都大大串，配合花生味重嘅沙嗲醬，不錯！