茶閒裡

營業中

休息中

今日同朋友去開土瓜灣，一直知道啟岸係好多好西嘅聚腳點，估唔到啟岸上一層有一間靜靜地好岩vibe嘅餐廳，食物選擇唔太多，但真係好好食同係健康之選，茶飲完都想一試再試。🍚雞翼飯套餐每份套餐都有甜甜嘅水果同小蕃茄做前菜。雞翼都醃得好入味，肉都有濃濃嘅瑞士汁味道，最值得讚係佢嘅菜飯，爽口嘅菜份量配得啱啱好，連埋飯食口感層次非常豐富。🐟 鰻魚菜飯套餐鰻魚燒得剛好，肉質鮮嫩，鍾意健康餐嘅一定要試一試☕️正山小種（熱）呢款係紅茶，香氣濃郁，味道非常醇厚！🍹👍🏻茉莉雪芽（凍）估唔到茉莉茶都可以有後勁而甘甘嘅味道，呢杯凍飲冰融咗都唔會令到茶嘅味道減淡，係必試之選🥣👍🏻糯香銀耳羮係一個賣相非常靚嘅糖水，裡面有糯香普洱茶凍，好欣賞呢款健康得黎又好香濃茶味嘅甜品，最難得係茶香又唔甜。🍰開心果mini林明頓呢款甜品有濃濃嘅開心果碎粒做外層，而蛋糕係奶油蛋糕，好濃郁開心果味，好好食，令食完好想再食！