銘興山西刀削麵 (民泰街)

營業中

休息中

今日落堂見仲有啲時間先上下一堂，去遠少少食午餐😎決定食呢間遠少少但望落好吸引嘅刀削麵😍入到張枱仲有啲上一手嘅辣油，唯有小心啲唔好整到自己😢茶水自助，可以免費拎醋泡蘿蔔，試過都幾爽口，醋好入味，做開胃菜唔錯✨叫左個麻辣雞扒酸辣湯刀削麵（$50）包熱飲，等左無耐就嚟到😗雞扒雖然有啲薄，但比足兩塊你，上嚟嘅時候熱辣辣，咬落去脆卜卜，真係好好食🥹酸辣湯刀削麵就偏辣，冇我期待嘅酸味，少少失色😢但刀削麵有咬口，好食🫶🏻熱檸茶比我想像中好飲，食曬個麵先開始飲，都冇好苦澀嘅味，過😎整體嚟講，呢個價錢呢個份量又好食，一定會encore✨