影片
更多
2017-05-15
341 瀏覽
是咁的~啱啱過去嘅母親節呀媽臨時先同我講不如食一本 一本係我地一家幫襯左好多年嘅一間小店 所以都食到有d感情分嫁 既然呀媽話想食呢間 梗係佢話事啦！平時食（非節日）就算係星期六日 都吸洗點等位 不過應該真係因為母親節 所以我地7點幾到左 都要等三張枱，咁其實可以坐bar枱 bar枱睇到師傅整野食不過三個人坐又唔方便傾計 同埋bar枱擺野食唔係咁方便 所以就等三張卡位啦等左半個鐘終於入得 由於都已經熟menu所以都好快決定到食咩 叫碟三文魚刺身 加碟北寄具刺身 呢到嘅三文魚刺身可以要一碟/半磅/一磅 一碟就份量最少 啫係好似上面咁嘅size 六片倒啦 唔大片 不過都係四十幾蚊 size唔大但厚身 而家新鮮 唔洗叫腩位都幾夠肥美 上次同女朋友仔食就食到一兩塊好冰 今次就冇呢個問題喇 不過今次另一個問題係有d筋位 應該係師傅切嘅時候冇就番舊刺身嘅紋路 不過整體都鮮甜肥美北寄貝刺身係我呀媽好鐘意食嘅刺身 而一本嘅北寄貝質素都好高 唔記得三十幾定四十幾 肥美鮮甜 有獨特嘅貝類鮮甜味竹筒飯大件夾抵食之選 因為一筒先12蚊炸 大大筒 抗通脹首選味道方面我叫嘅係三文魚竹筒飯 今次都好多三文魚碎（一時時
既然呀媽話想食呢間 梗係佢話事啦！
平時食（非節日）就算係星期六日 都吸洗點等位 不過應該真係因為母親節 所以我地7點幾到左 都要等三張枱，咁其實可以坐bar枱 bar枱睇到師傅整野食不過三個人坐又唔方便傾計 同埋bar枱擺野食唔係咁方便 所以就等三張卡位啦
等左半個鐘終於入得 由於都已經熟menu所以都好快決定到食咩
叫碟三文魚刺身 加碟北寄具刺身 呢到嘅三文魚刺身可以要一碟/半磅/一磅 一碟就份量最少 啫係好似上面咁嘅size 六片倒啦 唔大片 不過都係四十幾蚊 size唔大但厚身 而家新鮮 唔洗叫腩位都幾夠肥美 上次同女朋友仔食就食到一兩塊好冰 今次就冇呢個問題喇 不過今次另一個問題係有d筋位 應該係師傅切嘅時候冇就番舊刺身嘅紋路 不過整體都鮮甜肥美
北寄貝刺身係我呀媽好鐘意食嘅刺身 而一本嘅北寄貝質素都好高 唔記得三十幾定四十幾 肥美鮮甜 有獨特嘅貝類鮮甜味
竹筒飯大件夾抵食之選 因為一筒先12蚊炸 大大筒 抗通脹首選味道方面我叫嘅係三文魚竹筒飯 今次都好多三文魚碎（一時時）所以好香 不過正正可能多左魚肉碎 飯粒嘅濕度控制就難左 今次兩筒都濕左d 飯身太軟 缺乏口感 但整體都係抵食嘅
金菇肥牛卷今次真係好正喇 之前食親都痴牙 今次嘅金菇好嫩 食落唔痴牙 肥牛就一直都好高質 肉質鬆化又唔油膩（一本嘅牛其實幾出色）正呀
壽司喇壽司喇 一本嘅壽司係好平 大部分~10蚊兩件 好平民化 未試過嘅人會問會唔會將價就貨 但我食過咁多次 用料嘅質素都唔低 今次叫左幾款 包括鰻魚 象拔蚌 馬刀貝 北寄貝 鮑魚（片） 帶子 立魚 螺肉
魚生全部都好新鮮 d貝類更加係一絕象拔蚌好爽甜多汁 不過呢食唔慣海鮮貝類嘅人可能依舊唔鍾意立魚都好新鮮 肉質煙un但唔會鞋 鮮甜得黎又唔會肥膩 不過肉身偏薄 另外帶子都係大大粒開邊 新鮮！
不過呢 一本嘅壽司有個長期以黎嘅問題 就係飯太大舊 換句話講 係飯同刺身嘅比例唔啱 本身大舊飯都冇問題 如果你有大片刺身support嘅話但呢到冇 料細但飯大 咁大家都想像到對成件壽司有幾大影響啦
雖然佢用料新鮮但飯咁大舊又握得咁實嘅話 點都係差d 不過咁 真係夠曬飽肚抵食
鐵板牛脷 講真 一本嘅鐵板好食過佢嘅壽司 火喉啱啱好 唔會過火亦唔會唔熟 而且價錢好抵 呢邊都係42蚊 但大大碟 即叫即燒 唔會凍冰冰 鐵板燒最緊要係個火喉 個溫度
而且蔥花同蒜片能夠將成個味道再提升 但落嘅份量又唔會蓋過牛脷獨特嘅so味好正嫁呢碟真係要批評下嘅可能係佢有d就算厚身有d又薄番 唔夠均勻 但對佢嘅整體質量冇影響到 薄身嘅咪香脆可口d 厚身嘅就肉汁肉質多d
鐵板鮑魚 呢個未曾試過 今日母親節要慰勞下媽媽 好似76蚊3隻 唔算話好貴 鄧係即叫即燒 所以熱辣辣上 好正 鮑魚size適中 唔太細 同樣有蔥花蒜片 但大家睇到大廚會根據番唔同嘅野食落番相應份量 唔會俾配料搶曬個味走 因為蔥花蒜片係用黎提升味道 唔係用黎蓋過主菜嘅味道
鮑魚好新鮮 肉質好彈牙 唔會梅唔會冧大廚有加d黑椒粒掉味 不過今次就失手喇 冇蔥花蒜片個份量控制得咁好 黑椒味太重 所以辣味蓋過左個鮮甜味
總括黎講 呢間店食左咁多年真係有感情 價錢相當抵 質素都OK 當然唔好用一個高級居酒屋嘅standard黎比 但以一間平民小店黎講 絕對係抵食之選
張貼
