川陞餃店 (米線) (已結業)

試新嘢，去咗紅磡廣場 #川陞餃店兩位負責人好有禮貌，地方雖小，但整潔舒適，第一印象良好。叫咗個招牌豬三寶米線，有紅燒腩肉，豬大腸，同埋貢丸，湯要酸辣微辣。一嚟到已經覺得好吸引，腩肉厚切，入口即溶，貢丸大大粒有香菇味，豬大腸處理得好乾淨，唔會太肥。米線即煮有咬口，唔會過淋，湯辣度適中，有少少麻。自己鍾意酸啲，如果可以揀酸度，就完美喇。非常有誠意嘅小店，食物質素高，值得再幫襯。