影片
更多
2016-07-16
7373 瀏覽
今日已經係7月16號，但我竟然寫返6月30號一次喺扒房Harbour Grill嘅用餐經歷，主要係因為兩日前，試過某O字頭連鎖扒房餐廳嘅安格斯牛扒後，發現呢間嘅牛扒真係好味好多，決定為佢寫一篇。由於自小戒牛，好近期先破戒，Harbour Grill就成為我第二次食牛嘅地方。朋友一早訂好枱，當穿過酒店lobby同食buffet嘅一大班人，行到盡頭後，就係呢間小小的寧靜扒房角落。當日天朗氣晴，走過buffet範圍時，陽光透過一大片落地玻璃恣意傾瀉，好不刺眼，但一入到扒房，佢地採用咗過濾紫外線嘅落地玻璃，可以舒適地望向出面嘅藍天白雲兼海景，夫復何求！既有靚景，不如再食好西錦上添花？我同朋友都選擇喺set lunch之上再加100蚊，轉食酒店嘅美國牛扒，我點咗全熟，而友人則點咗四成熟。牛扒端上嚟嘅樣是咁的，都算大塊同厚身，並以數條焗薯皮伴碟，賣相不俗。本人覺得牛扒嘅味道相當唔錯，(界刀)成十字嘅位置稍有炭焦香味，肉質嫰滑易咬。不過由於點咗四成熟嘅朋友，佢塊牛扒遠遠比4成熟得多，估計約6至7成，所以我喺味道選項扣咗餐廳一分。至於促使我打呢篇食評嘅O字頭餐廳，塊牛扒我食咗約7成後，開始咬得有啲辛苦
由於自小戒牛，好近期先破戒，Harbour Grill就成為我第二次食牛嘅地方。朋友一早訂好枱，當穿過酒店lobby同食buffet嘅一大班人，行到盡頭後，就係呢間小小的寧靜扒房角落。當日天朗氣晴，走過buffet範圍時，陽光透過一大片落地玻璃恣意傾瀉，好不刺眼，但一入到扒房，佢地採用咗過濾紫外線嘅落地玻璃，可以舒適地望向出面嘅藍天白雲兼海景，夫復何求！
既有靚景，不如再食好西錦上添花？我同朋友都選擇喺set lunch之上再加100蚊，轉食酒店嘅美國牛扒，我點咗全熟，而友人則點咗四成熟。牛扒端上嚟嘅樣是咁的，都算大塊同厚身，並以數條焗薯皮伴碟，賣相不俗。
本人覺得牛扒嘅味道相當唔錯，(界刀)成十字嘅位置稍有炭焦香味，肉質嫰滑易咬。不過由於點咗四成熟嘅朋友，佢塊牛扒遠遠比4成熟得多，估計約6至7成，所以我喺味道選項扣咗餐廳一分。至於促使我打呢篇食評嘅O字頭餐廳，塊牛扒我食咗約7成後，開始咬得有啲辛苦，最尾嗰幾塊冇o趙到足就吞落肚，即使係味道方面，亦冇如Harbour Grill牛扒嘅炭焦香味。至於set lunch內嘅頭盤同小食等，質素同樣不俗，雞肉凍配多士、炸蝦田園沙律等都有酒店級水準(咁餐廳又的確置身於酒店內……)，加上服務尚算殷勤，對住美景、食住美食，談談笑笑，又點會畀低分呢間餐廳呢？
張貼
