影片
更多
2024-12-31
1296 瀏覽
黃埔區其實都幾多好嘢食，不過個人嚟講就真喺比較少嚟，唔喺話唔方便，不過，喺習慣性少嚟而已。今晚難得同老友嚟到呢邊「黃埔號」嘅「潮潮居」食火鍋，喺一人一鍋，啱晒各有各食唔同火鍋湯底嘅人，又可以過一過火鍋癮。餐廳嘅佔地都幾大，裝修幾骨子，又好有時尚感。目測所見，大部份食客都被安排坐喺卡位，皆因卡位夠闊落，此外，望向對面應該喺貴賓廂房，單單從外面望入去都覺得幾大。而餐廳主要喺做潮汕菜式，不過，在地朋友話最近餐廳推出咗「潮汕1人1鍋」，就不妨走過嚟試試。午市就收$118一位，晚市就收$148一位，湯底、主料可以自由選擇，另外，仲包咗4款丸類、蔬菜、主食同埋汽水。如果仲有啲咩火鍋料想試，可以額外再追加，另外，收茶錢、小食同加一。主餐牌大大本就無特別影啦，不過，見到有好多種類嘅套餐，順便影出嚟俾大家參考吓。平嘅又有，貴嘅又有，正所謂豐儉由人，當晚目測所見唔少喺啲家庭客。餐前小食 $16如大多數中式酒樓咁，都會按人頭送上餐前小食，當然要收費啦！碟中有啲木耳、鹹酸菜、青瓜、豆腐卜……等等，醃得味道唔錯，尤其喺鹹酸菜，酸爽帶甜，更有開胃之效。伴隨火鍋嘅，梗喺有一堆醬料，落單之後，侍應就會捧嚟一盤醬料由客
餐廳嘅佔地都幾大，裝修幾骨子，又好有時尚感。目測所見，大部份食客都被安排坐喺卡位，皆因卡位夠闊落，此外，望向對面應該喺貴賓廂房，單單從外面望入去都覺得幾大。
而餐廳主要喺做潮汕菜式，不過，在地朋友話最近餐廳推出咗「潮汕1人1鍋」，就不妨走過嚟試試。午市就收$118一位，晚市就收$148一位，湯底、主料可以自由選擇，另外，仲包咗4款丸類、蔬菜、主食同埋汽水。如果仲有啲咩火鍋料想試，可以額外再追加，另外，收茶錢、小食同加一。
主餐牌大大本就無特別影啦，不過，見到有好多種類嘅套餐，順便影出嚟俾大家參考吓。平嘅又有，貴嘅又有，正所謂豐儉由人，當晚目測所見唔少喺啲家庭客。
餐前小食 $16如大多數中式酒樓咁，都會按人頭送上餐前小食，當然要收費啦！碟中有啲木耳、鹹酸菜、青瓜、豆腐卜……等等，醃得味道唔錯，尤其喺鹹酸菜，酸爽帶甜，更有開胃之效。
伴隨火鍋嘅，梗喺有一堆醬料，落單之後，侍應就會捧嚟一盤醬料由客人自由添加，唔夠嘅之後再補充都無問題。我就偏愛芫茜、金銀蒜同沙爹醬，再加少少清湯落去就啱晒我。
潮汕沙茶湯既然店家主打喺潮汕嘢，其中一個湯底梗喺要潮汕沙茶湯，滾起之後陣陣沙茶香，四處飄逸，試咗一小啖，沙茶味道好濃厚。
潮汕沙茶湯
0 瀏覽
0 讚好
0 留言
一個重口味嘅，另一個揀返清淡少少啦，呢個養生珍菌湯就最好喇，一來用個清淡啲嘅湯有個對比，二來珍菌點都夠健康嘛，當湯飲多兩啖都無問題，又可以多啲纖維質落肚。
養生珍菌湯
0 瀏覽
0 讚好
0 留言
食火鍋除咗要有多啲調味料佐食之外，汽水就梗另一最佳拍檔啦，老友怕肥就要咗無糖可樂，小弟就要返罐全統嘅可口可樂，一口肉，一啖可樂，一熱一凍咁先過癮。
主料方面，我哋揀咗潮汕鮮肥牛同羊肉卷，至於丸類同菜都喺固定，因為仲包埋主食，所以，我哋睇下食到近尾時，唔夠先再追加其他配料，費事食唔晒嘥嘢。
潮汕鮮肥牛師傅手勢好，切到每片牛肉厚薄均一，而將啲牛肉放喺湯內灼兩灼就已經可以食得。肉味非常之濃，肉質柔嫩，沾上自家混醬，確實好味。
潮汕鮮肥牛
0 瀏覽
0 讚好
0 留言
羊肉卷另一份羊肉卷色澤都好靚，鮮潤姻紅，薄薄一片同樣稍為灼一灼都已經可以食，入口口感嫩滑細緻，點點羊騷味但唔重，相信唔太食羊嘅人應該都接受到。
羊肉卷
0 瀏覽
0 讚好
0 留言
手打四寶丸丸類又喺每次食火鍋嘅必備食材，每個火鍋套餐都包咗魚蛋、鮮蝦丸、墨魚丸同牛肉丸，幾款丸味道都各有特色，小弟就最鍾意鮮蝦丸，蝦味鮮甜，食落爽彈，其次牛肉丸亦都唔錯。
手打四寶丸
0 瀏覽
0 讚好
0 留言
菜盤基本上會有金菇 、白蘿蔔、粟米同生菜，打邊爐 食返啲菜平衡吓，至少心裡都覺得好啲，而因為小弟揀咗珍菌湯底，所以，又多咗啲蟲草花同埋啲菇菌。
主食有白飯、米粉、生麵及粉絲選擇，但到剔紙仔時就無粉絲，改咗喺河粉，咁就仲啱我。俾嘅份量都好多，一份主食其實喺兩人份量咁滯，放落湯稍微滾一滾已經可以食。
南非活鮑 $58/隻（兩隻起）見大家胃納仲有位，就追加多一入鮑魚，啲鮑魚鎅晒花，睇落仲好新鮮，因為始終喺海鮮，灼耐少少，加埋落啲河粉度，成大碗鮑魚湯河。啲鮑魚正喎，果然夠新鮮，咬落柔韌有咬口，好有鮑魚嘅鮮甜味。
南非活鮑
$116
0 瀏覽
0 讚好
0 留言
本來想追加一客手切新鮮騸牯肥牛肉，因為做緊特價，但只喺8:00pm多，就已經話賣晒，真喺手快有，手慢無，有啲可惜，故改咗試試啲鮮鮑魚。整體嚟講，環境舒服，招呼亦唔錯，侍應會主動幫忙加湯、斟水、收碟，食材、份量都交足貨。
張貼
