潮窩 (已結業)

喺黃埔區發現到呢間幾好食既火鍋店。抱住試新嘢既心態試下，點知有驚喜。入內有唔少卡位坐，幾舒適寬倘。點嘢食之前店員已經俾咗一盤醬料同豉油俾我哋自行加配。湯底方面我哋叫咗濃湯花膠雞煲翅，唔想食辣，揀返個滋陰湯底。湯底好足料，裏面有好多嘢！花膠魚翅都有齊，仲有好多雞添，而且個湯頭係超級好飲，變咗係咁飲湯，有雞湯嘅清甜花膠嘅滋潤。美國雪花肥牛肥牛肥瘦均勻，好有牛香，切得厚薄剛好，一口一塊。黑松露牛丸+頂級貢丸黑松露喺丸裏面爆出嚟，同牛丸係幾夾，兩款丸都彈牙多汁，食個陣小心辣到口。紫菜響鈴好少見有得食紫菜響鈴，浸一浸湯口感煙韌，就咁食同樣好食，脆卜卜，有埋紫菜既響鈴更加好味。松茸帶子餃併雲吞餃同雲吞都幾大粒，好豐富，不過要一提，唔好滾得太耐真係會爆曬餡架！呢度服務都好好，店員有成日過嚟幫手加湯收碟睇你有咩需要。整體感覺都好好，可以推薦。