影片
更多
2022-10-05
234 瀏覽
重陽果日同男朋友打算去美味佳食，點知出面大排長龍，退而求奇其次下就喺附近搵下有咩食。一向鍾意食辣嘅我一眼望去就已經見到呢間大大隻字寫住「麻辣燙」，即時心諗就係佢喇！一入去嘅時候入面嘅員工就已經直接係講普通話，相信員工都係大陸人為主，但員工都態度親切。環境方面雖然係一間小店，但睇得出都花左少少錢裝修，有貼牆紙同油金邊，連天花上嘅燈同掛鐘都別出心裁。菜色方面因為本人喜素，同埋當日本身一開始都只係想食少少串燒，所以基本上都係叫素菜為主。我湯底選擇左麻辣牛骨湯($8)，配菜方面就叫左蘿蔔($9)、鮮冬菇($12)、娃娃菜($9)、寬粉($12)，辣度就中辣，總計一共$50。上菜果刻賣相唔錯，仲要聞到好香嘅辣湯味，即時試一啖湯，麻辣湯好惹味，牛骨亦都冇比麻辣湯蓋過，湯底真係值得一讚。後來我都有留意到佢店面本身係想推健康湯底，但好似就冇特別寫明佢地嘅配方有幾健康，但唔理佢健唔健康，湯底真係值得再推多一次。然後重點就黎喇，去到食配菜果刻其實個期望值真係唔同曬，雖然你話$50一餐係唔貴，但當你睇返佢嘅份量，我只能話真係好貴。鮮冬菇話曬都12蚊，但佢嘅份量就如圖，根本就係得一隻鮮冬菇，然後剪開好多份。其
菜色方面因為本人喜素，同埋當日本身一開始都只係想食少少串燒，所以基本上都係叫素菜為主。我湯底選擇左麻辣牛骨湯($8)，配菜方面就叫左蘿蔔($9)、鮮冬菇($12)、娃娃菜($9)、寬粉($12)，辣度就中辣，總計一共$50。
上菜果刻賣相唔錯，仲要聞到好香嘅辣湯味，即時試一啖湯，麻辣湯好惹味，牛骨亦都冇比麻辣湯蓋過，湯底真係值得一讚。後來我都有留意到佢店面本身係想推健康湯底，但好似就冇特別寫明佢地嘅配方有幾健康，但唔理佢健唔健康，湯底真係值得再推多一次。
然後重點就黎喇，去到食配菜果刻其實個期望值真係唔同曬，雖然你話$50一餐係唔貴，但當你睇返佢嘅份量，我只能話真係好貴。鮮冬菇話曬都12蚊，但佢嘅份量就如圖，根本就係得一隻鮮冬菇，然後剪開好多份。其次可以睇埋蘿蔔，一般要食湯類嘅我都好鍾意叫蘿蔔，因為蘿蔔通常都會吸到湯底既日月精華再襯托返蘿蔔本身嘅甜味，但我夾起曬所有蘿蔔如圖，可以話其實我係連一舊蘿蔔件都食唔到，全部都係極薄嘅一片，同我期望中嘅蘿蔔真係相差太遠。
總結黎講其實佢除左湯係正，配菜真係相當唔抵食，基本上每樣都係剪到一忽忽，如果你係想搵間性價比高嘅餐廳呢間絕對唔推薦，但如果您真係想試好食嘅麻辣燙其實呢間都唔錯。
麻辣燙
$50
7 瀏覽
0 讚好
0 留言
8 瀏覽
0 讚好
0 留言
張貼
