Asian Lab

營業中

休息中

行過見到，反正都要食晏～試試佢先！睇完餐牌，揀咗幾樣嘢：一，越南牛河，選多一餸加$10 牛根同牛丸河粉，飲凍奶茶二，馬來喇沙摻摻，選咗海鮮， 飲三色兵三，咖吔多士餐 班蘭多士半份，加雞翼4隻湯粉先到，得一舊牛根，二粒牛丸，湯味道正常，但料「孤寒」咗啲。跟著到我的喇沙摻摻，我習慣食湯麵，一定試啖湯先～慘慘食得喇沙就係鍾意「濃味」，但佢哋個湯底對於我接近無味，海鮮喇沙係有二隻蝦二塊魚片加二舊豆卜同半隻旦，反正仲有多士加雞翼點都會飽😂😂，再講多士同雞翼，放低唔夠30秒我已經出手拎件多士食～淋同暖嘅？失去晒食多士嘅意義，雞翼味道中規中矩，三杯飲品～凍奶茶同咖啡同樣無乜味道，偏啖，三色冰反而最好。難得新開，過咗飯市都咁好生意，加油。