影片
更多
2018-02-19
1084 瀏覽
曾經喺黃埔Youni食過兩次，食物好好職員態度真係不敢恭維食物：1) 海南雞飯跟的甜酸辣醬調得非常好，薑蓉食落又健康又入味，雞胸肉都算滑，撈埋啲醬就啱啱好，唔會太淡。2)鴨胸就相對有啲咸，唔想食太健康可以選擇食鴨。個汁甜甜地，中和番。服務：我兩次幫襯都遇到同一對服務員，一個高瘦的男仔同一位圓潤的女士，每次短短幾十秒對答都令到我感覺好唔舒服。第一次食Youni，點嘢食，我指住menu話，"主菜要..., 穀物要..." 未講完位女士就以不耐煩的語氣插口話，"咁你姐係要咩啊？" 其實佢嘅意思係我無講到係邊個set(e.g. 58蚊set/78蚊set) ，我確實係要表達清楚，但服務員喺當時無其他客人的環境下，係咪可以心平氣和引導顧客，又或者，人哋指緊個menu你可以跟住望，唔需要咁唔耐煩。第二次食Youni點海南雞飯，因為係self service，攞咗個食物盤返去張枱發現無醬嘅？(以前個朋友點過海南雞，所以我肯定係有醬的) ，我就空手走過去同個男服務員講，女服務員喺旁邊又插口話"一定有架喎，你唔夠食我哋咪比個大碟醬啲嘅你囉" 女士用"一定" 呢兩個字係咪因為佢負責比醬呢？我問佢攞醬，佢又
食物：
1) 海南雞飯跟的甜酸辣醬調得非常好，薑蓉食落又健康又入味，雞胸肉都算滑，撈埋啲醬就啱啱好，唔會太淡。
2)鴨胸就相對有啲咸，唔想食太健康可以選擇食鴨。個汁甜甜地，中和番。
服務：
我兩次幫襯都遇到同一對服務員，一個高瘦的男仔同一位圓潤的女士，每次短短幾十秒對答都令到我感覺好唔舒服。
第一次食Youni，點嘢食，我指住menu話，"主菜要..., 穀物要..." 未講完位女士就以不耐煩的語氣插口話，"咁你姐係要咩啊？" 其實佢嘅意思係我無講到係邊個set(e.g. 58蚊set/78蚊set) ，我確實係要表達清楚，但服務員喺當時無其他客人的環境下，係咪可以心平氣和引導顧客，又或者，人哋指緊個menu你可以跟住望，唔需要咁唔耐煩。
第二次食Youni點海南雞飯，因為係self service，攞咗個食物盤返去張枱發現無醬嘅？(以前個朋友點過海南雞，所以我肯定係有醬的) ，我就空手走過去同個男服務員講，女服務員喺旁邊又插口話"一定有架喎，你唔夠食我哋咪比個大碟醬啲嘅你囉"
女士用"一定" 呢兩個字係咪因為佢負責比醬呢？我問佢攞醬，佢又答非所問話我唔夠食，係咪推敲我嘗試"呃醬" 呢？
好，我攞返原來的食物盤比佢哋睇，真係無醬架，個男仔仲要指住個盤某一空咗的部分，講咗句，"啲醬咪係呢度囉" 你估真係國王的海南雞醬咩，指住啲空嘅嘢同我講係醬。位女服務員仲要喺旁邊對住個男仔話，"哈哈哈哈你真係病懵咗" 咁講姐係頭先唔係你負責攞醬啦，咁做咩又要插嘴話"一定有" 呢？
全程除咗話無醬，我並無講其他言論。
見微知著，女士講嘢唔負責任，男仔攞完醬咩表示都無，你假假地都可以講返句"唔好意思"啊。
我去過幾間喺中環同類型的食店，主打健康菜，亦係有幾個set比你揀，有得揀幾多個配菜，人哋lunch time條龍一定長過呢度，價錢頂盡貴你廿蚊，但佢哋咪又係好有耐性有誠意引導客人，有次夾錯餸比我仲勁唔好意思講咗三四次sorry.
黃埔健康食品唔多，Youni一定係好選擇，但係如果每次都要食得咁唔愉快，I would opt for another choice。
張貼