悠蔬食 (渣甸中心) (已結業)

近來食太多熱氣食物，今日想食番清少少就揀左食素，搵到悠蔬食呢度一個set都係一百蚊，價錢唔貴。Lunch set好豐富，前菜，湯品同飲品都有，仲可以加錢要埋甜品湯品可以選西洋菜南北杏羅漢果蓮藕湯或鮮茄甘筍香芋濃湯湯品真材實料，尤其中湯好多湯料沙律只有一款，水梨扁豆藜麥沙律點心拼盤唔講唔會知係素，素點心對於我係又一新體驗榨菜豆絲湯米粉鮮茄芝士焗吉列茹扒飯用茹扒代替豬扒，唔膩又較健康我地睇menu甜品好吸引，所以加左抹茶緣起同椰香紫薯千層班戟甜品唔會過甜，我係抹茶愛好者，所以偏心較為鍾意抹茶果款，好濃抹茶味最後飲埋飲品好滿足我本身唔係素食者，都怕食素會好清淡，所以好少食素，但悠蔬食好迎合我口味，如果唔刻意睇食材，唔會覺得自己去左間素菜館，原來我都啱食素。下次會再黎試埋dinner set👍🏻