影片
更多
2019-09-12
116 瀏覽
素食自助餐近年在香港殺出一條「綠」路，目前市面上已經有接近十間。最近友人就提議我試下銅鑼灣這間開幕只有半年的「素一」。 聽朋友講，餐廳除左每日提供超過 60 款中日西素食、甜品及飲品之外，店內還有壽司師傅駐場，製作不同款式的素壽司，而且每件素壽司的像真度都極高，絕對值得一試。其實筆者近年都多左食素，既然今次友人力推，所以亦即是 bookmark 左間餐廳，趁這天 Green Monday，下班後就過嚟吃頓素食自助餐。餐廳位於謝斐道 535 號 Tower 535 地庫，店內裝潢走簡約路線，牆身上嘅手繪壁畫用了春夏秋冬四季為主題，洋溢一種清新的感覺。事不宜遲，馬上開餐，先由沙律吧開始，沙律和配菜款式不多，反而醬汁嘅花款就極豐富，除了大路的橄欖油和意大利黑醋之外，竟然還有芒果醬、山葵沙律汁、XO 醬等，用來配沙律吃，夠曬創意！接著輪到講下壽司區，單係壽司、卷物同手卷就已經有成接近 10 款，另外亦有冷豆腐、紫薯沙律、中華沙律、枝豆、日本番薯仔…等等。親子花之戀像真度十足，原來是用上䈮蒻取代三文魚刺身，海藻珠取代三文魚子，難怪口感較平常花之戀壽司更爽脆輕盈。另外芒果花之戀味道亦非常特別，以甜
素食自助餐近年在香港殺出一條「綠」路，目前市面上已經有接近十間。最近友人就提議我試下銅鑼灣這間開幕只有半年的「素一」。 聽朋友講，餐廳除左每日提供超過 60 款中日西素食、甜品及飲品之外，店內還有壽司師傅駐場，製作不同款式的素壽司，而且每件素壽司的像真度都極高，絕對值得一試。
其實筆者近年都多左食素，既然今次友人力推，所以亦即是 bookmark 左間餐廳，趁這天 Green Monday，下班後就過嚟吃頓素食自助餐。餐廳位於謝斐道 535 號 Tower 535 地庫，店內裝潢走簡約路線，牆身上嘅手繪壁畫用了春夏秋冬四季為主題，洋溢一種清新的感覺。
事不宜遲，馬上開餐，先由沙律吧開始，沙律和配菜款式不多，反而醬汁嘅花款就極豐富，除了大路的橄欖油和意大利黑醋之外，竟然還有芒果醬、山葵沙律汁、XO 醬等，用來配沙律吃，夠曬創意！
接著輪到講下壽司區，單係壽司、卷物同手卷就已經有成接近 10 款，另外亦有冷豆腐、紫薯沙律、中華沙律、枝豆、日本番薯仔…等等。親子花之戀像真度十足，原來是用上䈮蒻取代三文魚刺身，海藻珠取代三文魚子，難怪口感較平常花之戀壽司更爽脆輕盈。另外芒果花之戀味道亦非常特別，以甜的芒果配鹹的蒟蒻「三文魚」，入口清新不膩。
另外紫薯沙律亦值得推薦，不但味道香甜，再配以面頭的腰果粒，嚼感十足。枝豆煮至半腍，色澤翠綠，入口啖啖豆香。
吃完壽司就輪到試下炸物，店裡有 10 多款炸物提供，每款均是即炸，當中包括有天婦羅、沙嗲羊肉串、香煎腐皮卷、大蔥春卷、素雜錦薄餅、法式麵包、香草焗法包、芝麻球、南瓜餅、紫薯球、燒菠蘿、素餃子、金沙鮮冬菇、炸秋葵、蔥油餅；另外亦有雲耳、子薑皮蛋、蜜汁叉燒和燻魚等。
腐皮卷煎至色澤金黃，內有紅蘿蔔、香菇和雜菜，入口鬆脆味美。南瓜餅質地軟糯，配上清甜的紅豆蓉，口感有層次。Pizza 的邊位咬下卜卜脆，上面的 toppings 有素煙肉、粟米、菠蘿等，加上煙韌的批底，食落十分開胃。
至於熱盆區方面，食物就包括有粟米、南瓜、番薯、炒椰菜、上湯娃娃菜、豆卜炆冬瓜、麻婆豆腐、豆豉南瓜炒雜菌、上海烤麩、葡汁薯仔四蔬、炒銀針粉、薑醋蛋、清炒菜心、雜菌素蝦、南乳炒藕片、茄子四季豆、淮山茶樹菇炒青瓜、煙肉雲耳炒沙葛、紅米炒飯、豉油王炒河等。薑醋酸甜醒胃，而雞蛋亦夠曬入味，入口醋香四溢。
另外凡入座的客人，均可獲贈素湯和素咕嚕肉一客，素湯內有姬松茸、蟲草花、粟米、腰果，南北杏等，入口清甜滋潤。至於咕嚕肉則以猴頭菇取代豬肉酥炸，再以冰鎮形式上桌，咬下非常酥脆，味道酸甜濃郁，用來下飯一流！
其實除左送贈嘅精選素湯之外，自助區域還有數款湯品，例如：白胡椒鹹菜涼瓜、蓮藕髮菜粟米湯；和飲品，如：羅漢果水、紅菜頭檸檬水及豆漿等供應，總有一款啱你口味。
最後是甜品時間，這晚嘅甜品有椰汁西米芋圓、綠豆沙同焦糖燉蛋。燉蛋味道唔錯，焦糖很香甜，厚薄剛好，燉蛋滑溜、食落有層次。朋友果然無介紹錯，這裡的食物不但有創意，而且款式又夠多，以後出街食飯又多個好選擇。
張貼
