2DP (已結業)

去左尖沙咀食素，估唔到食素都有咁多選擇，仲有好多甜品，主菜、小食、飲品等都一應俱全。仲有新年餐牌爆素過新年，有特色又有過節氣氛。原隻菠蘿炒椰菜花飯椰菜花切粒代替飯，素肉碎好入味，雞蛋切絲條條分明好有蛋香，素肉鬆好有咸香味撈埋一齊食口感豐富有層次，菠蘿份量非常多，好清甜，半個菠蘿都放滿左，食完好飽肚。雙層爆素牛肉巨無霸雙層植物肉，肉質厚實真係好似真嘅漢堡，冇食開數嘅朋友食落都覺得味道好似，牛肉片用咗沙茶醬調味，素肉片相當軟熟，連同芝士融化埋一齊，十分惹味。仲有新鮮蕃茄，同沙律菜。草莓牛乳有原粒士多啤梨喺入面，仲有好多士多啤梨醬同果蓉，牛乳味道濃郁，又唔會太甜，攪勻左變成杯粉紅色打卡好靚。