波仔

營業中

休息中

藜麥花椰菜飯（單售$31特價$28），簡直係生酮及減肥人士恩物，採用椰菜花刨成米狀小粒，配以藜麥、甘荀、洋蔥、青豆製作，食落就好似蔬菜炒飯，健康又飽肚。葡汁雜菜飯（單售$25），葡汁口感濃稠，採用黃薑粉、椰漿製作，食落充滿椰香味道，馬鈴薯口感軟綿，食落好入味，白飯內有甘荀、青豆、椰菜，口感豐富。黑松露蘑菇意粉（單售$31特價$28），黑松露忌廉汁，味道香濃，蘑菇食落好Juicy，意粉口感軟硬適中，容易掛汁。Domremy北海道卷蛋芝士味（單售$68），已經預先切件，卷蛋口感鬆軟、濕潤，食落蛋香味濃，芝士味忌廉採用北海道煉奶製成，口感幼滑、Creamy，以凍食方式食用，味道更佳。