御龍軒 (裝修中)

成日見Facebook d friends讚呢間食肆，今日就約個姊妹嚟試一試佢！點知坐咗之後，個姊妹話呢幾日食多咗，唔係好想食肉，對於我學佛嘅人嚟講，求之不得啦（雖然我唔係好虔誠個隻)! 反正得兩條友，韓燒又唔係，打邊爐又唔係，最好都係點餸食飯個隻！我哋點咗紅燒豆腐、羅漢齋同豉油王炒麵！唔食真係唔知，竟然好味到不得了！ d豆腐又香又滑，好似食緊豆腐花咁！正到不得了，連d醃汁都配合得天衣無縫！好食過d米豬蓮嘅齋舖！羅漢齋都好有水準！雖然炒麵就上得遲咗少少，但慢工出細貨，果然有酒店水準呀！服務水準一流，waiters 見我哋兩個女仔不停口水多過茶，仲主動幫我哋換壺熱茶tim，好細心啊！下次等人多d，必定試埋佢個火鍋！👍🏻