影片
更多
2017-06-10
401 瀏覽
星期五下晏需要一個長談地方，想起素食達人朋友介紹的lucy n cafe, 佢話有素漢堡食，賣相味道都高水平。工業區有d難揾，但預早打去同店員講我有痛症，要坐有靠背的椅，個男店員都特別reserve左梳化俾我。服務細心貼心。從餐牌已看到有花心思在食材選購上，有很特別的三色藜麥、櫻桃蘿蔔(識貨之人)﹑羽衣甘藍等等。而且用料配搭都幾創新，例如lucy很出名的玄米特濃抹茶黑糯米蛋糕，一反抹茶一定要夾甜紅豆的認知。改用黑糯米，無咁甜，質感係韌d, chewy一d, 有嚼頭，同抹茶都好夾。你想像一下如果係抹茶紅豆蛋糕，大家都估到係咩味，就算係抹茶控都未必會叫，而且容易被其他專業做抹茶紅豆口味蛋糕或食品的甜品行頭大佬比下去。所以小店生存之道是出奇制勝，諗爆頭都要做一些味覺小驚喜俾食客令人記得你間舖仔。轉用黑糯米係好成功的嘗試，小小改動就帶來味覺衝擊，廚師大腦相當上進及勇於嘗試。烹飪藝術就在此。我點了一個牛油果車厘茄蘋果羽衣甘藍三色藜麥貝殼粉沙律配特製麻醬。賣相不錯，綠色紅色好平衡，綠色除了羽衣甘藍外仲加了幾片細細的薄荷頂葉，可愛感大大加分。而且進食經驗中突然咬到嫩薄荷釋出辛味刺激會令人醒一醒神，
工業區有d難揾，但預早打去同店員講我有痛症，要坐有靠背的椅，個男店員都特別reserve左梳化俾我。服務細心貼心。
從餐牌已看到有花心思在食材選購上，有很特別的三色藜麥、櫻桃蘿蔔(識貨之人)﹑羽衣甘藍等等。而且用料配搭都幾創新，例如lucy很出名的玄米特濃抹茶黑糯米蛋糕，一反抹茶一定要夾甜紅豆的認知。改用黑糯米，無咁甜，質感係韌d, chewy一d, 有嚼頭，同抹茶都好夾。你想像一下如果係抹茶紅豆蛋糕，大家都估到係咩味，就算係抹茶控都未必會叫，而且容易被其他專業做抹茶紅豆口味蛋糕或食品的甜品行頭大佬比下去。所以小店生存之道是出奇制勝，諗爆頭都要做一些味覺小驚喜俾食客令人記得你間舖仔。轉用黑糯米係好成功的嘗試，小小改動就帶來味覺衝擊，廚師大腦相當上進及勇於嘗試。烹飪藝術就在此。
我點了一個牛油果車厘茄蘋果羽衣甘藍三色藜麥貝殼粉沙律配特製麻醬。賣相不錯，綠色紅色好平衡，綠色除了羽衣甘藍外仲加了幾片細細的薄荷頂葉，可愛感大大加分。而且進食經驗中突然咬到嫩薄荷釋出辛味刺激會令人醒一醒神，唔會因為傾緊計而食不知味，在整體的甜味醬汁上加上小衝擊，幾refresh, 而且不是老硬薄荷，否則大打折扣。麻醬味道配得不錯，大抵是甜味微酸，拌得透澈，連貝殼粉內都沾到，份量剛好，沒有過多醬汁釀成碟底水汪汪的悲劇，否則藜麥就太濃味似飲湯同埋牛油果會熔左。 我去kubrick食過的牛油果四季豆藜麥沙律就中曬上面的撈唔匀一邊好酸一邊無味碗底水汪汪牛油果太生咬唔開的情況。所以我真心認為呢個貝殼粉沙律好食過kubrick100倍。
醬汁外detail位也令我開眼界，例如相當養眼的紅椒粉做飾面也很特別，我情急以為係我唔食得既辣粉，女店員都解釋是無辣味的紅椒粉。我也從未見過食過。
朋友叫了桃味花果茶，但溝通不足來了熱的不是冰的。男店員態度相當好，連聲道歉，指可轉返凍飲，但店內無咩人，應該無人會咁岩點熱桃茶。又事費浪費食物，熱飲照飲，點知都幾驚喜。 原木上用陶杯裝十分雅緻，仲可refill熱水，熱飲香味仲香過凍飲，視覺嗅覺多了一重享受，男店員仲不好意思地奉還十蚊，因為熱飲平d.
lucy店細又隔攝，對食物咖啡質量幾用心，希望佢長做長有。唔算極度舒適但食小小野坐4個鐘都係好好喇。
張貼
