2DP (已結業)

呢間位於尖沙咀厚福街既食店，其實都開左一段時間，但夜晚飯後時間都會見到有人係到排緊隊。佢主打素食，健康行先既餐廳，但亦都有甜品俾女士填飽另一個胃。今次先試左蜜瓜碗·農場牛乳刨冰 $108，另外加左$20 特濃鐵觀音北海道牛乳刨冰。一睇個外表已經俾呢個蜜瓜吸引住🍈上面係一粒粒清甜既蜜瓜😆下面就係好幼細既鐵觀音刨冰，鍾意茶味甜品既呢個會係大滿足，因為佢超級濃茶味，係超級超級濃，呢$20加得好抵，外貌同味道質素都好高。