影片
更多
2017-06-28
68 瀏覽
呢日去到旺角嘅街坊Cafe,試吓港式fusion菜.同一般港式餐廳唔一樣,呢度反而有啲咖啡店嘅感覺.佢哋唔係播近年常見嘅K-POP,而係粵語流行曲.一邊櫈用藍色做主色,另一邊就係綠白紅色嘅.啱啱好係下午茶時間,下午茶餐上面嘅選擇都幾啱自己口味,叫呢個就抵食啲.呢次就叫咗幾樣嚟試.素鮑參碗仔翅入面嘅素鮑彈牙,素海參就爽口,無論係外表抑或口感都好像真,估計係用蒟蒻整嘅,湯入面仲有冬菇片,木耳絲,素魚翅,肉絲同蛋花,濃度適中,唔似某啲食店咁整到好似漿糊咁,又唔會太稀淡.檯上面仲放咗堆浙醋,白胡椒粉,鹽同黑椒,不過我覺得佢本身已經夠味,所以冇額外加其他調味.紫薯吉士雞蛋仔伴雪糕係佢哋其中一款港式fusion甜品.最外圍嘅雞蛋仔香脆,中間因為同配料接觸而有少少濕潤感.上面嘅紫薯蓉同吉士醬軟滑同甜甜哋,旁邊就有燒到半溶嘅棉花糖,同埋士多啤梨,藍莓同綠茶雪糕.戀愛大過天用咗玫瑰糖水,士多啤梨同菠蘿沖出嚟,淺紅色咁都幾靚.玫瑰糖水飲落唔算太假, 同埋有啲菠蘿嘅果味,仲用咗乾玫瑰花同鮮士多啤梨點綴.第一次試港式fusion菜以為只係gimmick,估唔到實際味道都唔錯.
呢日去到旺角嘅街坊Cafe,試吓港式fusion菜.同一般港式餐廳唔一樣,呢度反而有啲咖啡店嘅感覺.
佢哋唔係播近年常見嘅K-POP,而係粵語流行曲.
一邊櫈用藍色做主色,另一邊就係綠白紅色嘅.
啱啱好係下午茶時間,下午茶餐上面嘅選擇都幾啱自己口味,叫呢個就抵食啲.
呢次就叫咗幾樣嚟試.
素鮑參碗仔翅
13 瀏覽
0 讚好
0 留言
素鮑參碗仔翅入面嘅素鮑彈牙,素海參就爽口,無論係外表抑或口感都好像真,估計係用蒟蒻整嘅,湯入面仲有冬菇片,木耳絲,素魚翅,肉絲同蛋花,濃度適中,唔似某啲食店咁整到好似漿糊咁,又唔會太稀淡.
檯上面仲放咗堆浙醋,白胡椒粉,鹽同黑椒,不過我覺得佢本身已經夠味,所以冇額外加其他調味.
紫薯吉士雞蛋仔伴雪糕
31 瀏覽
0 讚好
0 留言
紫薯吉士雞蛋仔伴雪糕係佢哋其中一款港式fusion甜品.
紫薯吉士雞蛋仔伴雪糕
17 瀏覽
0 讚好
0 留言
最外圍嘅雞蛋仔香脆,中間因為同配料接觸而有少少濕潤感.上面嘅紫薯蓉同吉士醬軟滑同甜甜哋,旁邊就有燒到半溶嘅棉花糖,同埋士多啤梨,藍莓同綠茶雪糕.
戀愛大過天用咗玫瑰糖水,士多啤梨同菠蘿沖出嚟,淺紅色咁都幾靚.玫瑰糖水飲落唔算太假, 同埋有啲菠蘿嘅果味,仲用咗乾玫瑰花同鮮士多啤梨點綴.
第一次試港式fusion菜以為只係gimmick,估唔到實際味道都唔錯.
張貼
