鮮芋仙 (V Point )

營業中

休息中

之前去台灣日日都食得太飽，搞到明明酒店樓下就有鮮芋仙都冇試過。今次黎到銅鑼灣分店，8點左右到唔洗等位，但坐低之後出面就已經大排長龍，疫情期間都仲有咁多客人，厲害。依度食野係快餐店形式，自己出去買完再拎返埋位食。招牌仙草沙冰本身係配奶球，不過vegan唔飲奶所以冇要到。啲仙草沙冰都夠味，唔落鮮奶球都ok。芋圓幾煙韌，大部分都係芋圓得兩粒蕃薯圓，分佈唔係好平均。味道不過不失，又未至於要排隊入黎食。依個係朋友叫既芋圓唔知幾多號，凍係配刨冰，熱就配紅豆湯。賣相就唔多好，朋友話味道都係一般，試過就算咁啦。