影片
更多
2021-03-31
2023 瀏覽
新年果陣去紫竹林素食訂左個盆菜，之後順便食埋餐飯，仲買左啲其他野食，依家一次過匯報返先！先講個盆菜，食過幾間素盆菜，一係就太多素肉，一係就唔係好夠味，但紫竹林依個就真係色香味俱全。鋪喺面頭既係佢地既招牌叉燒，夠哂味之餘仲有啲燶邊效果，睇得出係用心製作。除左啲素鮑魚之外，成個盆菜都係天然食材，用料足，份量夠，而我最欣賞係啲自家製肉丸。下次再買盆菜都一定黎依度，包保冇伏。拎盆菜果日係初一，順便食個午餐，但點知假日冇得成平時既午市套餐，我好想試肉骨茶同糯米飯呀...點餸果陣唔記得左個盆菜已經有叉燒，結果一日食左兩次叉燒，不過堂食又係另一返滋味，有少少外脆內軟，好正。黑松露炒飯夠哂鑊氣，一碟飯兩個人食就啱啱好。又食又拎既除左盆菜，仲有純素瑞士卷同琥珀合桃。細個果陣好鐘意食瑞士卷，自己一個啪一條當一餐都得。一般既瑞士卷都有蛋奶，vegan唔會食。喺我以為一世都食唔返以前果種味果陣，竟然發現紫竹林素食有純素瑞士卷賣。訂果陣問左老闆個瑞士卷係咩成份，佢又淨係答我冇蛋冇奶，可能係商業秘密唔比得人知啦。Vegan左6年，真係未食過咁鬆軟既蛋糕，鬆軟得黎又好有彈性，捲做瑞士卷都唔會斷開。啲cream都好綿
先講個盆菜，食過幾間素盆菜，一係就太多素肉，一係就唔係好夠味，但紫竹林依個就真係色香味俱全。鋪喺面頭既係佢地既招牌叉燒，夠哂味之餘仲有啲燶邊效果，睇得出係用心製作。除左啲素鮑魚之外，成個盆菜都係天然食材，用料足，份量夠，而我最欣賞係啲自家製肉丸。下次再買盆菜都一定黎依度，包保冇伏。
拎盆菜果日係初一，順便食個午餐，但點知假日冇得成平時既午市套餐，我好想試肉骨茶同糯米飯呀...點餸果陣唔記得左個盆菜已經有叉燒，結果一日食左兩次叉燒，不過堂食又係另一返滋味，有少少外脆內軟，好正。
黑松露炒飯夠哂鑊氣，一碟飯兩個人食就啱啱好。
又食又拎既除左盆菜，仲有純素瑞士卷同琥珀合桃。細個果陣好鐘意食瑞士卷，自己一個啪一條當一餐都得。一般既瑞士卷都有蛋奶，vegan唔會食。喺我以為一世都食唔返以前果種味果陣，竟然發現紫竹林素食有純素瑞士卷賣。訂果陣問左老闆個瑞士卷係咩成份，佢又淨係答我冇蛋冇奶，可能係商業秘密唔比得人知啦。Vegan左6年，真係未食過咁鬆軟既蛋糕，鬆軟得黎又好有彈性，捲做瑞士卷都唔會斷開。啲cream都好綿密，仲好食過以前食過既瑞士卷。
琥珀合桃炸得恰到好處，唔會太油但又夠哂脆，啲糖同芝麻均勻咁包裹住每粒合桃，然啲合桃形狀又好靚夠哂大粒，唔會碎開好細粒咁，好滿意。
紫竹林素食唔算係人氣之選，但其實佢地啲食物真係做得好好，希望更多人可以去支持佢地啦。
張貼
