Supabowl (已結業)

喺喧鬧既嘉咸街有幾間幾chill既餐廳，今次就試左Supabowl先。鋪頭細細，而且冇堂食位置，不過裝修都花左好多心思，啲牆油得好靚。四款Bowl之中有三款都係vegan，即係冇蛋冇奶冇蜜煻。Cocobowl係用椰子殼做碗，相比另外兩款用膠碗環保得多，所以冇懸念就揀左Cocobowl，之後再加$10加左almond butter。本來覺得加$10有少少貴，不過多左almond butter真係香好多，令鮮甜既smoothie多左陣鹹香，都幾特別。因為用左靚生果，所以唔洗加糖都好夠甜，抵讚。因為鋪頭入面冇位坐，所以坐在喺出面既樓梯食，喺依家涼涼地既天氣，都幾有風味架。