Purple Cafe (已結業)

今日同有時鍾意食下港女嘅媽媽去左位於太子通菜街嘅purple cafe食lunch, 入到去真係乜都係紫色，加上一片花海同埋球型韆鞦，勁多打卡位，應該可以吸引到唔少少女，老婆們過嚟打卡食飯！依間cafe主要都係食意粉，小食，甜品之類， 首先我哋點左卡邦尼意粉同埋明太子蟹柳意粉， 呢度嘅卡邦尼意粉十分香口,由大量嘅洋蔥絲同煙肉絲去煮成，而明太子蟹柳意粉啲明太子都幾多，絕不手軟，兩碟意粉嘅質地煮得剛好，都好彈牙，有咬口！仲有兩片炸紫薯片點綴，又靚又好食！                                                         媽媽話好懷念佢響泰國飲嘅奶茶，呢度嘅泰式奶茶，無論茶味同奶味都十分香濃，而且甜度剛剛好！我杯紫薯波波奶茶仲正！除咗有紫薯味嘅奶茶之外，每啖都食到隻紫薯蓉,中式到好似啫喱狀嘅Q彈波波,十分推介大家飲這一杯! 如果各位想搵打卡cafe, Purple Cafe真係不二之選！