紫荊閣 (已結業)

酒樓位於酒店內，由於係新開既關系，人流較少，環境寧靜，星期日唔想同人地爭位既街坊可以黎呢到試下。椒鹽鮮魷，魷魚肉質彈牙嫩滑，表面香脆，唔會炸得過油，炸粉唔厚，經過豉椒調味，非常可口。燒賣大大粒，雖然睇相唔覺，燒賣入面有一隻蝦，蝦肉彈牙爽口，豬肉較平時食既嫩滑，屋企人勁鍾意食。蝦餃既餃皮簿而彈牙，賣相精緻，入面蝦肉大大隻，好彈牙鮮甜。欖角蒸排骨，排骨肉嫩滑新鮮無雪味，望落可見肉質有幾靚，由於加了欖角，排骨多了一分難得既清香欖味，係少有食到靚排骨。xo醬炒腸粉，腸粉較幾嫩滑，但唔係最嫩滑，不過不失為早餐既一個好選擇，夠飽肚呀嘛。