影片
更多
2023-11-10
17 瀏覽
餐廳：The Vibe Room (銅鑼灣)地址：銅鑼灣登龍街1-29號金朝陽中心二期 - Midtown地下A號舖銅鑼灣登龍街地下呢間開咗接近半年嘅The Vibe Room ，相信大部份人經過都會俾佢亮麗光鮮嘅門面同雅致嘅室內裝修吸引✨，再加上咖啡師喺店內不停沖製咖啡，嗰股濃烈嘅咖啡豆醇香真喺令經過嘅人難以抵擋🤤The Vibe Room主打多國菜色，以西餐為主🍴，致力提供最好嘅食物、咖啡同餐廳氛圍比每一位食客🧑🏼🍳。餐廳嘅歐陸式風格設計，用咗線條襯托加上黑白啡色配搭，帶嚟充滿時尚感嘅高貴氣派，就算淨喺入嚟飲杯咖啡都喺一種截然不同嘅升級享受😎餐廳午市提供Lunch Menu🍽，包是日餐湯或沙律🥗，另外有5選1主食，加$38可以要埋特色小食或配菜，例如牛油果吞拿魚他他同酥炸雞翼配是拉差酸甜醬，叫飲品除咗手沖咖啡之外都有減$15優惠，比起散叫主食平得多🤩✝️黑毛豬叉燒蕃茄奶油意大利飯 $158揀咗套餐包嘅田園沙律🥗，沙律菜同車厘茄配上黑醋酸香開胃😋。黑毛豬叉燒切開一條條整齊咁鋪咗喺意大利飯上面🐷，叉燒肉質鬆軟，以瘦肉為主，帶有少少筋同脂肪🤏，恰巧帶出不多又不少嘅豚脂香味，配上既crea
地址：銅鑼灣登龍街1-29號金朝陽中心二期 - Midtown地下A號舖
銅鑼灣登龍街地下呢間開咗接近半年嘅The Vibe Room ，相信大部份人經過都會俾佢亮麗光鮮嘅門面同雅致嘅室內裝修吸引✨，再加上咖啡師喺店內不停沖製咖啡，嗰股濃烈嘅咖啡豆醇香真喺令經過嘅人難以抵擋🤤
The Vibe Room主打多國菜色，以西餐為主🍴，致力提供最好嘅食物、咖啡同餐廳氛圍比每一位食客🧑🏼🍳。
餐廳嘅歐陸式風格設計，用咗線條襯托加上黑白啡色配搭，帶嚟充滿時尚感嘅高貴氣派，就算淨喺入嚟飲杯咖啡都喺一種截然不同嘅升級享受😎
餐廳午市提供Lunch Menu🍽，
包是日餐湯或沙律🥗，另外有5選1主食，加$38可以要埋特色小食或配菜，例如牛油果吞拿魚他他同酥炸雞翼配是拉差酸甜醬，叫飲品除咗手沖咖啡之外都有減$15優惠，比起散叫主食平得多🤩
✝️黑毛豬叉燒蕃茄奶油意大利飯 $158
揀咗套餐包嘅田園沙律🥗，沙律菜同車厘茄配上黑醋酸香開胃😋。
黑毛豬叉燒切開一條條整齊咁鋪咗喺意大利飯上面🐷，
叉燒肉質鬆軟，以瘦肉為主，帶有少少筋同脂肪🤏，恰巧帶出不多又不少嘅豚脂香味，
配上既creamy、但又因為加咗蕃茄而變得酸甜唔膩嘅意大利飯，確實值得一試👍
✝️Latte +$28
另外加錢叫咗杯用The Vibe Room House-blend巴西SOE咖啡豆沖嘅Latte🇧🇷，店員啱啱拆開一包新嘅咖啡豆倒入咖啡機嗰陣真喺香到一個點😍，飲落濃香咖啡豆嘅Nutty flavor獨特出眾，同鮮奶嘅比例配合得啱啱好，透過Open Kitchen望住咖啡師沖咖啡同拉花真喺好治癒🥰
張貼
