翡翠拉麵小籠包 (已搬遷) 新店位置

見住馬鞍山的舊同學經常幫襯仲話好食,已經想試好耐,其實分店都開到好多大型商場都有,今晚在附近就嚟試試;我覺得想知食上海嘢舖頭水準,小籠包、粗炒同鱔糊係最好測驗方法,所以先點的係小籠包、芝士小籠包,皮唔算好簿嘅程度,但肉汁鮮味,而有芝士嘅芝士味濃郁,有上佳水準,下次可以放心點價錢較貴的其他小籠包;粗炒相對小籠包就失色DD,但唔係難食,只係合格,真係好難搵返幾十年前三六九嘅水準了;奶油津白呢度做得唔錯,夠creamy亦夠淋身;而醉雞呢度酒味較重,合格水平;賽螃蟹煮得好滑,好考功夫,証明廚房係有心機煮俾客人食,抵讚;太座無辣不歡,點了酸辣湯拉麵滿足佢,真係超水準,建議大家試試