影片
更多
2023-03-04
331 瀏覽
對呢條巷仔嘅餐廳印象係 都幾好食 晚餐時段過到嚟 諗住有乜食乜點知鄰近餐廳爆滿 行到最入見到呢間餐廳都幾靚 又有位 就試下喇點知一試 就知道點解有幾張吉枱西班牙海鮮飯係茶記質素 只係青豆番茄有汁飯 貝殼類分開煮無味又有沙 再有幾隻雪藏蝦咁 🫣 睇到眼都凸埋 請問係點好意思賣$198？酒煮青口 $188 叫做好啲 起碼無沙 餐湯餐包薯條都係普通食到一度想叫取消個甜品 已經無晒期望 覺得係嘥錢 但諗諗下 可能主打cafe 雖然晚餐差 但甜品好 都係試埋先喇但 原來蛋糕又係好普通 唔係$56嘅質素 而且餅底超厚 佔整件蛋糕高度1/4 究竟係食餅定食蛋糕？可能有人為咗打卡 咁可以一試（公道講 唔係難食）但只為食嘢 我就唔會再嚟 居然不似預期到 令我係openrice寫第一篇評價最後 關於服務 當晚有2位店員 一位係著花花衫嘅本地店員 行爲有過於恭敬過於卑微嘅感覺 另一位係外籍女士 言語粗魯過唔少茶記阿叔整體上 餐廳同本地店員好襯 海鮮飯同外籍店員好襯 對比好大 係呢個花花環境 食茶記餐 同時面對走向兩個唔同極端嘅店員 一度唔知自己係邊度 個人好錯亂 😵💫
點知鄰近餐廳爆滿 行到最入見到呢間餐廳都幾靚 又有位 就試下喇
點知一試 就知道點解有幾張吉枱
西班牙海鮮飯係茶記質素 只係青豆番茄有汁飯 貝殼類分開煮無味又有沙 再有幾隻雪藏蝦咁 🫣 睇到眼都凸埋 請問係點好意思賣$198？
酒煮青口 $188 叫做好啲 起碼無沙 餐湯餐包薯條都係普通
食到一度想叫取消個甜品 已經無晒期望 覺得係嘥錢 但諗諗下 可能主打cafe 雖然晚餐差 但甜品好 都係試埋先喇
但 原來蛋糕又係好普通 唔係$56嘅質素 而且餅底超厚 佔整件蛋糕高度1/4 究竟係食餅定食蛋糕？
可能有人為咗打卡 咁可以一試（公道講 唔係難食）但只為食嘢 我就唔會再嚟 居然不似預期到 令我係openrice寫第一篇評價
最後 關於服務 當晚有2位店員 一位係著花花衫嘅本地店員 行爲有過於恭敬過於卑微嘅感覺 另一位係外籍女士 言語粗魯過唔少茶記阿叔
整體上 餐廳同本地店員好襯 海鮮飯同外籍店員好襯 對比好大 係呢個花花環境 食茶記餐 同時面對走向兩個唔同極端嘅店員 一度唔知自己係邊度 個人好錯亂 😵💫
張貼