Hot Pot 熱‧海鮮火鍋私房菜

營業中

休息中

佐敦隱世樓上火鍋店，今次呢間火鍋開到凌晨兩點，非常適合上去同同事飲杯嘢嘅地方。講一講餐廳嘅環境先。見到我哋坐咗一間四人枱空間都非常之闊落。服務亦都好好今次我哋叫咗個二人餐揀咗一個特色嘅龍蝦湯底，湯底有驚喜原隻龍蝦上湯底濃郁基本上唔使點樣用其他嘅豉油去配搭。二人餐包括咗一碟肥牛，小小配菜包括有墨魚丸，水餃，炸魚皮，同埋蔬菜配料。佢仲送兩杯飲品添，我哋叫咗杯芒果沙冰同埋蜜桃沙冰，非常之大杯。真係可以飲足成晚，打邊爐最啱嘅就係一杯冰凍嘅飲品。佢啲肥牛都非常之靚，好食過出邊任食嗰啲好多，材料亦都好新鮮，龍蝦特別出色爽又多肉。有時覺得如果出去食任食嘅火鍋，倒不如食呢一間價錢亦都差唔多，但係食物質素好好多，唔使特登食到自己太飽。食物份量亦都很充足，環境又好舒服，好推薦食牛肉🤤