四川重口味

營業中

休息中

如果出名重口味同鍾意食辣嘅你, 絕對要嚟 《四川重口味》試吓啦！我同朋友個晚都想食啲濃味少少嘅嘢，我就提議不如去食四川菜，而我之前又經過附近有一間餐廳望睇都唔錯的，所以book mark 咗想去，今次終於有機會食到啦！我哋兩個人叫咗兩個主食…😁😁😁🌟麻辣小龍蝦係香港唔多地方有得食呢個麻辣小龍蝦，可能覺得佢冇乜肉食嘅關係！雖然肉的確好細, 但肉質爽口，而且配埋個辣汁食的確冇得頂，小龍蝦底仲有滿滿薯粉同芽菜，加上吸收晒辣汁嘅味道，會令你好想食多一碟😝😝😝🌟筍殼烤魚本人超鍾意食烤魚，仲要有少少辣嘅烤魚，感覺好醒神，仲有豆卜、木耳、萵筍、蓮藕片等配菜，全部都係好吸辣汁嘅配料，真係非常之惹味的！😍😍😍本來想叫多啲嘢食，不過兩個女仔食呢兩樣嘢已經好飽，下次再嚟可以試埋個雞煲同其他四川小菜！🥰🥰🥰