1.酥皮海鮮湯
酥皮唔脆亦唔緊要，反正係會放係湯入面食，材料足，有魷魚，大蝦，湯味道不錯，海鮮配搭忌廉湯都幾好，賣相不俗另外個湯夠熱騰騰，值得一讚。
2.免翁牛扒
牛扒份量少，配菜應改為大眾口味既薯條，薯蓉口感奇怪，似半生熟及冇味道，牛扒肉汁唔夠，配汁酸，以此配汁配免翁牛扒實太浪費，另外牛肉太un及難切。
3.煙肉蛋意粉(卡邦尼亞意粉)
呢個意粉係我人生之中食過最難食既意粉，其實仲衰過自己煮既同樣菜式，係地獄級既難食，意粉口感硬，配搭既煙肉可接受，但餐單上寫著煙肉蛋意粉，我完全感覺唔到有蛋香味，醬汁係=汁+水+油,感覺上係成碟意粉配合唔到，我夠膽講呢碟意粉係衰過快餐店大x樂既。
4.龍蝦湯
龍蝦湯size太細，似係隨餐附送既例湯一樣，內有數粒龍蝦肉，但湯唔夠濃而係過於稀，整體賣相亦係敗筆，用普通例湯湯碗裝龍蝦湯，賣相不足，味道一般，份量不足，盛惠78$。
5.甜品
食到呢一刻，係時候叫d唔係佢地餐廳出既產品黎中和番，叫左個雪糕，用brown chocolate製成，內部係雲尼拿夾心，而雪糕本身味道應無任何特別，所以都可以接受，如果朱古力外層，用酒心做餡料就更好。
飲品:
朱古力咖啡只有咖啡味，朱古力不足。
橙汁份量亦過於小器，太細杯。
PS:隨2個湯奉上既餐包係已經凍哂而且口感超硬，牛油碟顯然有水而放牛油上去，有礙觀瞻。如果時代進步，餐廳質數每況愈下，建議重新吸納新既材料同再研究煮法，別固步自封，我曾到其他同是老牌西餐廳(金雀餐廳)，你地既餐廳在價錢，食物質素，環境，三方面都比人差得好遠。
