影片
更多
2020-02-25
513 瀏覽
一班同事喺疫情之下要慶祝， 要食餐好嘅舒舒悶氣，搵咗間廚師發板鮨生賢試下。私隱度極高！有兩款廚師發板可供選擇。食得廚師發板梗係要揀最貴嗰個set啦！海鰻BB加上酸汁，好煙韌，作為頭盤好醒胃。新鮮白飯魚，感覺好特別， 好有鮮魚味。白蝦刺身，極度鮮甜，小小漿口， 加埋蝦膏鮮味繼續係口內徘徊。燒螢光魷魚，非常香口，細細隻但爆晒膏， 齒頰留香。北海道真蠔，大大隻脹卜卜，仲有陣陣海水味，唔需要任何調味，一啜滑到瀡落喉嚨，勁creamy 。安康魚肝， 入口即溶，肝油既香口又唔覺得膩。白子加燒昆布配搭， 昆布焦香味帶出白子鮮滑。汁燒帆立貝，紫菜包住食，啖啖肉， 紫菜吸咗帶子油香，鮮上加鮮。汁煮鮑魚，煙韌口感， 汁索晒入鮑魚，心機之作！赤幹魚，第一次食，出面好少有得食，肉質鮮嫩。新鮮銀鱈魚， 非常滑口亦保持到魚油嘅香味。活鳥貝，師傅整成壽司再拍一下，烏貝不停蠕動，放入口內感覺仍然活生生，烏貝爽口中帶鮮甜。熟成處理嘅中拖羅同大拖羅， 帶出食物層次同兩款拖羅之間嘅比較，互相輝映， 完全冇筋， 材料上乘。馬糞海膽及赤海膽， 入口慢慢融化，鮮味喺口內流連， 歷久不散。文蛤麵豉湯，肉質肥美配上清甜麵豉湯，非常滿
有兩款廚師發板可供選擇。食得廚師發板梗係要揀最貴嗰個set啦！
海鰻BB加上酸汁，好煙韌，作為頭盤好醒胃。
新鮮白飯魚，感覺好特別， 好有鮮魚味。
白蝦刺身，極度鮮甜，小小漿口， 加埋蝦膏鮮味繼續係口內徘徊。
燒螢光魷魚，非常香口，細細隻但爆晒膏， 齒頰留香。
北海道真蠔，大大隻脹卜卜，仲有陣陣海水味，唔需要任何調味，一啜滑到瀡落喉嚨，勁creamy 。
安康魚肝， 入口即溶，肝油既香口又唔覺得膩。
白子加燒昆布配搭， 昆布焦香味帶出白子鮮滑。
汁燒帆立貝，紫菜包住食，啖啖肉， 紫菜吸咗帶子油香，鮮上加鮮。
汁煮鮑魚，煙韌口感， 汁索晒入鮑魚，心機之作！
赤幹魚，第一次食，出面好少有得食，肉質鮮嫩。
新鮮銀鱈魚， 非常滑口亦保持到魚油嘅香味。
活鳥貝，師傅整成壽司再拍一下，烏貝不停蠕動，放入口內感覺仍然活生生，烏貝爽口中帶鮮甜。
熟成處理嘅中拖羅同大拖羅， 帶出食物層次同兩款拖羅之間嘅比較，互相輝映， 完全冇筋， 材料上乘。
馬糞海膽及赤海膽， 入口慢慢融化，鮮味喺口內流連， 歷久不散。
文蛤麵豉湯，肉質肥美配上清甜麵豉湯，非常滿足。
金箔抹茶雪糕糯米糍配紅豆蓉，絕不失色， 劃上完美句號。
食足三個鐘，價錢公道，因為食材罕有同非常新鮮， 全部都係空運速遞到港， 加上師傅上成刀工同食材嘅次序安排，絕無冷場，而且江戶前壽司嘅做法係香港好少食得到。
張貼
