東海堂 Bake ‧ Drink (已結業)

東海堂出左宇治抹茶二重軟芝士蛋糕，作為一個抹茶控，小弟諗都唔諗就決定買黎食喇。光睇賣相已經覺得好正。依個蛋糕，面頭係宇治抹茶蛋糕碎，跟住落黎果層係宇治抹茶白芝士慕絲，再落去係宇治抹茶忌廉芝士蛋糕，最底就係宇治抹茶蛋糕。切開出黎，雖然見到既全部都係綠色既宇治抹茶，但仍然分辨到每一層出黎。一口一啖一次過食哂四層，口感層次相當之豐富，加上濃濃既抹茶味，同淡淡既芝士味，對於綠茶控既小弟，真係一個大滿足黎呀。