EAT ME Bar & Restaurant (已結業)

旺角搵嘢食好易，但合心水可能好難，今次同朋友工作完，想搵個靜靜地舒服既環境食餐飯，行過譽發廣場附近，不如就係到揀返間，最後就揀咗呢間EAT ME BAR，可能時間尚早，好快就可以入座，第一感覺就係覺得無揀錯，全街景視角環境非常好，有風格既室內設計，非常符合當時我地既要求。二話不說就點咗個二人餐再加一個小食拼盤，好快就上沙律同蘑菇湯，小食拼盤炸得好好，表面干身而唔油膩。主菜係大蜆忌廉白酒扁意粉同Ｔ骨牛扒，意粉酒味好香，牛扒雖然有啲過熟，但好彩Ｔ骨本身牛味夠。最後就係一向都覺得好好食既movenpick雪糕，非常舒緩整日既工作壓力。