赤橋拉麵 (已結業)

紅橋一向多野食，今日2點幾行過想是但搵間食lunch ，見依間好多好評就入左去店面唔大，比較逼，大概坐10幾人。牆身有d 好似小朋友晝既畫，仲有d 日文字，好有心思🥰選擇唔多，得3個湯底揀，有海老，魚介同埋黑油豚肉。麵可揀湯麵或者沾麵。我叫左海老湯麵，仲叫左支白桃汽水🥤海老湯麵份量都唔少，湯底濃郁🤩，好香蝦味。叉燒都算多，而且肥瘦適中，而麵質就正常。支野飲好有驚喜（$12)，一開始以為係d 人造白桃味，一飲真係飲到好香果汁味，一啲都唔假。而且支裝汽水而家已經喺香港好少見，懷舊風即刻出咗嚟😂整體黎講好值得一試👍🏻