Moreish & Malt (蕪湖街) (已結業)

紅磡區主要係連鎖型西餐，或者係坐得好逼嘅小店。 好似Moreish &Malt呢種有人性化、坐得舒服、有氣氛服務嘅餐廳幾乎係冇。因為住喺附近，呢間已經去過好多次，每次水準都好好，豬鞍、意粉係signature. 肉類一般都煮得 好Juicy同入味。值錢都合理。答應阿女考完試帶佢去食，一個二年級人仔對食真係好有要求。今晚叫咗beetroot salad, crabmeat brushetta, pasta, ribeye, 同apple crumble. 所有菜式維持一貫水準，牛扒medium well 係真係做到又juicy, 薯條好熱外脆內軟，好正。最有驚喜係個apple crumble，熱辣辣上面配個homemade sorbet啱啱好，阿女話俾100 分！經理Kumar同平時一樣好friendly 同好helpful. 送咗杯蘋果汁俾阿女飲仲表演埋魔術俾佢睇。今晚唔算多客，希望支持呢啲有heart 嘅餐廳，所以寫了第一篇食評！