阿里山 (逸酒店) (已結業)

朋友喺紅磡租左個studio, 我地成班就梗係買野食上去賀賀佢啦～～～ 我哋行經附近見到間賣古早蛋糕既阿里山蛋糕，個招牌好sharp 粉紅色! 就入去睇吓有咩味先～～～ 店員好有善同我哋講佢嘅呢度嘅蛋糕使用高級嘅麵粉，用上進口雞蛋製作，每15至20分鐘就會有不同口味嘅蛋糕出爐，蛋糕超鬆軟，餡料全都使用新鮮食材自家製作，不含化學添加，口感極為綿密，而呢次我哋分別買左抹茶紅豆，日本蜂蜜柚子。 除咗呢兩樣味，佢仲冇好多特別味好似榛子榴連等等～～～日本蜂蜜柚子蛋糕：外觀經已非常美觀，不規則的𠝹痕烤痕，配上陣陣嘅焦香，而蛋糕仲用上高知縣嘅蜂蜜，加上新鮮嘅柚皮，令蛋糕有陣陣柚子清新香味，仲有蛋糕本身濃郁嘅蛋香，聞落都覺得非常好味，而口感係超鬆軟。抹茶紅豆：店家用上嚟自日本嘅抹茶粉，再配上粒粒飽滿香甜嘅台灣紅豆，再加上蛋糕濃郁蛋香味，令到整體味道層次非常豐富。