紅磡雞蛋仔

營業中

休息中

去過紅磡咁多次，一直都冇發現到呢間老字號，路過俾我見到，個招牌咁舊，一定有啲料到😼老闆好好笑容，見我聽緊電話，叫我慢慢諗唔使急。佢問我係咪第一次嚟，有聽過但未食過，我話係啊，見佢真係勁nice，同街坊好熟有傾有講。所有雞蛋仔，班戟即叫即整，熱辣辣㗎！🍴芒果班戟 $19芒果超多，老闆好大方，話要俾多芒果先好食！班戟上面搽咗啲酸忌廉，入口班戟皮厚實，芒果超甜，老闆話係每日新鮮切，加埋酸酸哋嘅忌廉，好開胃，好好食😋CP值高🍴朱古力雞蛋仔 $19外脆內軟，超濃朱古力味🍫，少少似蛋糕口感，但入面係濕潤嘅，唔會好乾身，好好食😋🍴原味雞蛋仔 $14外脆內軟，有蛋香，食到蛋嘅原味，都係少少似蛋糕口感，但入面係濕潤嘅，唔會好乾身，好好食😋推薦指數: 10/10老闆笑容好好，態度親切有禮，會同你傾偈，好有人情味，我話拎走食，佢話趁熱食好食啊，夾一粒俾我食，好熱情。覺得佢做生意唔係淨為錢，係對自己整嘅雞蛋仔有熱誠，當啲客係街坊朋友，十幾蚊食個雞蛋仔，除咗係足料抵食好食，係食份人情味。