貴緣小鍋米線 (崇潔街) (已結業)

作為米線控，當然會四出尋找穩世米線，呢間係米線關注組經常被推薦😆咁梗係要試試。同老公一人一碗米線之餘，再加多三款小食。✨豬軟骨螺旋藻麻辣湯米線（中辣）麻辣湯底味道夠麻夠濃郁，亦唔會好油膩。螺旋藻係其中一款熱門配料，口感爽脆但有索到啲湯既精華；豬軟骨都夠腍。✨螺旋藻蘿蔔酸辣湯米線（中小辣）酸辣湯嘅酸味同辣味對我黎講平衡得剛好，我仲加左芽菜，好入味好爽口🙌🏻白蘿蔔亦好清甜。✨蒜泥雞絲山 - 呢度嘅雞絲真係一絲絲，口感好正。配上蒜泥好惹味。✨孜然涼皮條 - 非常煙韌，煙韌控可以試下。表面有啲孜然粉，而且帶有微辣。✨重慶口水雞翼 - 係單骨雞翼，配合重慶汁夠惹味。