越北牛肉粉專門店

營業中

休息中

好耐冇食越南嘢，今晚想食清淡少少，揀咗越北啦。宜家晚市都提供咗套餐，有主食，小食物同嘢飲才八十幾HKD，每款都有4-5款可以揀，都幾抵食。揀咗烤雞肉串，鮮蝦米紙卷，順化湯河粉同大頭蝦醬炒通菜。順化湯河粉配料都幾豐富，有牛腩片，紮肉，紮蹄同牛肉丸，仲搭配左芽菜同蔥絲。雖然湯底有少少辣，但是牛肉味都幾重，湯底飲落好鮮甜，加埋啲牛腩同河粉一起食，超好味，好快已經食完成份湯河。烤雞肉串一份有3串，雞肉燒完有加咗沙爹醬，雞肉燒得啱啱好，表面好香口，搭配咗啲沙爹醬唔算好甜，醬香味好重，好好味。仲搭配咗酸蘿蔔，食多油膩嘢再食啲酸蘿蔔好清爽。鮮蝦米紙卷都好大一件，每件都有蝦，青瓜，粉絲和生菜，點上配搭啲酸甜醬汁，一口咬落去好滿足，食完2件已經超飽，都估唔到份量更大。大頭蝦醬炒通菜都幾大一份，仲要好平，才32HKD，真係勁抵呀。。通菜放咗超多蝦醬黎炒，每一啖食落去都好重蝦味。最後買單唔到200HKD，真喺抵食。