Palette (已結業)

紅磡屬於舊區，附近除了著名的觀音廟外，講真，對於外地遊客來說，這區最著名的景點應該是紅館。在睇演唱會前後，往往都要找地方食嘢或飲嘢，以前我多數去紅磡火車站或尖東一帶，現在終於多了一個新蒲點，就是Hotel sav (逸酒店)。今晚是來吃自助餐，餐廳Palette位於一樓，設計亦是充滿色彩，我很喜歡counter的紅色瑩光，耀目得來給人愉快的感覺。餐廳地方不大，食物放置於一邊牆角及門口處，可謂充份利用每一吋地方。連食物都色彩繽紛，配合了酒店的整體概念，尤其甜品吧，每款都像看著Pantone色卡一樣，單是看顏色已令人垂涎。眾多甜品當中，個人比較鍾意椰子樹莓蛋糕，椰絲包著一粒巴西莓，煙煙韌韌中帶著鮮果香。海鮮類中，以生蠔最受注目，據講每天會有不同款式的，今晚供應的是美國生蠔，即開即食，我總共吃了六隻呢!另外，亦有波士頓龍蝦、松葉蟹腳、加拿大翡翠螺等。刺身和壽司則選擇較少。熱盤反而較為吸引，焦點落在沙嗲串燒、青紅咖哩、蘿蔔牛腩煲等。龍蝦湯是個人心水之選，有粒粒龍蝦之餘，味道濃香鮮味而不會太咸。沙律吧供應有機蔬菜，和多種醬汁，例如黑醋汁、脫脂紅酒醋汁等，正在Keep Fit的人士也有得揀。還有即