時新漢堡飽 (已結業)

距離晚餐仲有一段時間 但有D肚餓 為有去嘆返個下午茶啦🤫行行下見到一間食店望落去平平無奇 但餐牌又好似好多小食選擇 岩哂我而家又想食野但又吾想食得太飽😵時新漢堡包 原來係食港式漢堡包🤭仲有我最意既扭紋薯條和紅豆冰😍店鋪採用快餐店形式 門口櫃檯點餐購買付款然後自己揾位坐再等嗌號碼 出去取餐 。雙層漢堡包配芝士蛋 (HK $37）好足料 我個口要將到最大先可以咬落去🤣 濃濃既自家製沙律醬 酸酸甜甜 好開胃 芝士味吾算好濃 加埋個蛋 成個漢堡包口感超豐富 😋 麵包皮都柔軟 絕對吾係隔夜麵包🤗 至於漢堡扒食落去似用鮮肉製成 有肉汁 肉味 👍好有懷舊既味道🤩。炸薯條 (HK $23)扭紋薯條係我最中意既一種薯條 我喜歡佢既口感 熱辣辣炸出黎 好香薯仔味最重要係食吾到千年油既味道 先抵讚👍🤣。炸雞脾（HK $29)相比之下炸雞脾就差左d 雖然肉質都算鮮嫩吾會炸到乾爭爭味道偏咸 同埋食落去吾覺得係生炸 似係翻炸 所以有點失望🧐。紅豆冰 (HK$24)甜度與椰奶的比例都算平均 就算天氣凍冰冰都難以抗拒但可以改善既地方係 紅豆冰如果配給粗飲管應該會更好比較適合懶惰既我🤣 因為幼飲管好難吸紅豆🤣所以想食