勁餃笑

營業中

休息中

近排真係發覺自己好鍾意食餃子，不論係湯餃子或者係煎餃子都覺得好好食，今日收工同同事飲完happy hour，返到屋企附近就想食返啲熱嘅嘢，所以就決定嚟呢間，剛剛嚟到我係排第一，所以就決定繼續等。呢間餐廳平時都勁多人，買外賣或者堂食都係好多人，所以今日排第一真係好好彩。要左個10隻椰菜豬肉餃配皮蛋醬拌麵，之後再加點白菜豬肉餃併韭菜豬肉餃。呢度嘅水餃真係好無敵，外皮全部口感勁正，加埋餡料超多，仲要調味剛剛好，其實唔使加其他醬料都已經好足夠，但係每次我都一定會要自家製辣菜圃，單獨咁樣食都覺得好正。今次另外都點左醉蝦，呢個小食俾我想像中好食，每一隻都熟咗好多醬汁好飽滿，而且蝦好新鮮，所以好爽口！