影片
更多
2018-11-06
40 瀏覽
今晚早收工決定同老工拍拖搵好野食！俾我喺何文田港鐵站附近發現一間西餐廳，外面睇餐廳裝修幾有品味，於是決定入去試試。一入去就有個親切嘅侍應哥哥招呼我哋坐低喇。用電子餐牌好有型，揀野食都揀得開心啲😂今晩好肚餓，見Main course只要加$60就可轉做set，咁抵就梗係點個Dinner set啦！頭盤係煙三文魚沙律同巴馬火腿沙律，兩個都正，最欣賞佢哋自己調啲白汁同黑醋汁，味道濃淡剛好。至於湯，今日個Daily soup係西蘭花濃湯，真係有濃濃西蘭花味，真材實料！Main course 有頗多款揀，我就揀咗羊架，老公就揀帶子黑松露意大利飯。個羊架煎得堅正，我點medium rare，真係煮到剛剛好喎，絕對無過熟過生！佢個薄荷燒汁都唔錯，連唔鍾意薄荷味嘅我都食晒！意大利飯係全晚亮點，芝士同黑松露味香濃，老公光速扒晒落肚，我只痴到兩啖咋。食到呢度，兩個已經飽到上心囗，所以我哋無再特別點其他甜品，只要跟餐個Daily desert：Tiramisu。以為會hea底啦，原來都落足心機嘅，蛋糕又香又滑，唔太甜，小小一件剛剛好！總結：一間用心做嘅小店，一定會再幫襯！
用電子餐牌好有型，揀野食都揀得開心啲😂今晩好肚餓，見Main course只要加$60就可轉做set，咁抵就梗係點個Dinner set啦！
頭盤係煙三文魚沙律同巴馬火腿沙律，兩個都正，最欣賞佢哋自己調啲白汁同黑醋汁，味道濃淡剛好。
至於湯，今日個Daily soup係西蘭花濃湯，真係有濃濃西蘭花味，真材實料！
Main course 有頗多款揀，我就揀咗羊架，老公就揀帶子黑松露意大利飯。個羊架煎得堅正，我點medium rare，真係煮到剛剛好喎，絕對無過熟過生！佢個薄荷燒汁都唔錯，連唔鍾意薄荷味嘅我都食晒！意大利飯係全晚亮點，芝士同黑松露味香濃，老公光速扒晒落肚，我只痴到兩啖咋。
食到呢度，兩個已經飽到上心囗，所以我哋無再特別點其他甜品，只要跟餐個Daily desert：Tiramisu。以為會hea底啦，原來都落足心機嘅，蛋糕又香又滑，唔太甜，小小一件剛剛好！
總結：一間用心做嘅小店，一定會再幫襯！
1 瀏覽
0 讚好
0 留言
張貼
