影片
更多
2019-01-28
83 瀏覽
平時經過紅磡，都唔覺眼原來黃埔有間咁高質嘅甜品舖！😱愛情來的時候 （$68） ［評分：10+/10］ /圖一下/呢一個甜品，其實係由頂層一個意大利5.0,奶凍，下面baileys嘅雪花冰，再 鋪滿西瓜整成嘅。😍 咁最開頭呢,我就覺得西瓜加甜酒呢個配搭好少聽喎，咁點知食落發現baileys嘅奶甜味同埋西瓜嘅清甜味兩種唔同嘅甜味，係好有層次好夾㗎，真係一試難忘。😭 但係更加難忘嘅，係佢個5.0奶凍。🤯 睇吓個video入面，我見佢凳下凳下，原本好驚佢係落勁多魚膠粉嗰啲，點知一放入口，超級濃厚嘅奶味隨著奶凍係脷上面融化出晒嚟。🥰 原來咁勁嘅奶凍係全靠個5.0牛奶，而個牛奶都係自己調配嘅。😱 老闆娘解釋就話原來5.0係佢哋自己個配方調配出嚟嘅完美油脂比例，所以特別好食特別重奶香。🤤 所以就算唔食雪花冰都一定一定要試吓5.0牛奶奶凍，食完你係食唔落其他奶凍㗎啦。🤩朱古力窩夫伴雪糕 （$48） ［評分：9/10］ /圖一上/其實佢個朱古力窩夫漿都係自己調配嘅，所以朱古力嘅比例都好完美，有好香朱古力味，窩夫質感又好紮實，外脆內軟呢就基本㗎啦。😋 側邊有啲啡色嘅啫喱仔，原來係焦
平時經過紅磡，都唔覺眼原來黃埔有間咁高質嘅甜品舖！😱
愛情來的時候 （$68） ［評分：10+/10］ /圖一下/
呢一個甜品，其實係由頂層一個意大利5.0,奶凍，下面baileys嘅雪花冰，再 鋪滿西瓜整成嘅。😍 咁最開頭呢,我就覺得西瓜加甜酒呢個配搭好少聽喎，咁點知食落發現baileys嘅奶甜味同埋西瓜嘅清甜味兩種唔同嘅甜味，係好有層次好夾㗎，真係一試難忘。😭 但係更加難忘嘅，係佢個5.0奶凍。🤯 睇吓個video入面，我見佢凳下凳下，原本好驚佢係落勁多魚膠粉嗰啲，點知一放入口，超級濃厚嘅奶味隨著奶凍係脷上面融化出晒嚟。🥰 原來咁勁嘅奶凍係全靠個5.0牛奶，而個牛奶都係自己調配嘅。😱 老闆娘解釋就話原來5.0係佢哋自己個配方調配出嚟嘅完美油脂比例，所以特別好食特別重奶香。🤤 所以就算唔食雪花冰都一定一定要試吓5.0牛奶奶凍，食完你係食唔落其他奶凍㗎啦。🤩
朱古力窩夫伴雪糕 （$48） ［評分：9/10］ /圖一上/
其實佢個朱古力窩夫漿都係自己調配嘅，所以朱古力嘅比例都好完美，有好香朱古力味，窩夫質感又好紮實，外脆內軟呢就基本㗎啦。😋 側邊有啲啡色嘅啫喱仔，原來係焦糖奶凍嘅，試吓發現又係一個靚配搭嚟㗎喎。😂
檸檬牛奶 （$28） ［評分：6/10］ /圖七八/
雖然呢杯嘢飲唔係好好飲，但係係sell健康。😎 好多人會覺得檸檬溝牛奶好似好奇怪，但其實檸檬牛奶幾年前已經喺台灣興過。😮 而且佢其實係法國人嘅早餐飲品，被稱之為貴族牛奶，因為法國人平時係會用呢個當早餐飲品。💁 點解早餐要飲佢就係因為佢好健康，用成個檸檬榨出自然充滿好豐富嘅維他命C。😊 經過繁複嘅處理後，檸檬溝上鮮奶出現咗綿密嘅奶泡菜夾雜著檸檬果肉。😙 值得注意嘅係檸檬先係主角，牛奶只係配角，所以唔好期望有咩奶香，牛奶嘅作用只係調和檸檬嘅酸，咁你飲落成咁就算你飲咗成個檸檬，都唔會啦太酸，又可以吸收十足維他命C。🤗 依家流感又嚴重啦，咁所以真係要飲番杯。🤣
話說呢間舖頭黐線㗎，搞埋啲共享空間計劃，一個鐘頭才收25蚊，每個鐘仲可以叫一次甜品飲品，更加可以買月票日票，坐咗幾多個鐘就有幾多個甜品畀你，真係可以食窮佢。😯 而且舖頭仲有書睇，唔怕悶，可以hea吓。😛
檸檬牛奶
$28
9 瀏覽
0 讚好
0 留言
愛情來的時候
$68
34 瀏覽
0 讚好
0 留言
朱古力窩夫伴雪糕
$48
19 瀏覽
0 讚好
0 留言
張貼
