漁樂鍋 (已結業)

勁正既海鮮雞煲，同女朋友黎到紅磡，經過見到門面好光鮮，門口仲有啲報導話平價親民，一於入去試下。叫左個海鮮雞煲，都幾多料，仲有桶蠔，一碟四隻，勁大隻，煮到熟左都唔會縮水，同埋貴妃蚌，唔腥，夠新鮮。本身仲想試下佢既象蜜蚌，可惜要提早預訂先有，下次再黎既話一定會早啲訂。入到去果陣冷氣比較大，但係同店員講左之後，即刻調細個冷氣，態度親切。至於價錢方面，唔可以話超平價，剩係雞煲都二百幾蚊，但係我會話物有所值。日後黎開紅磡會再黎食。