麵屋武蔵 (新鴻基中心) (已結業)

某日紅雨走咗入灣仔一間拉麵店，叫咗兩碗麵同兩個小食。如果要食呢間，建議食沾麵～🔸白武骨沾汁麵 $79 鍾意拉麵多啲嘅我叫咗白湯沾麵，有兩大塊薄切叉燒，偏瘦，麵條嘅口感唔錯，最好食係溏心蛋，可惜湯汁唔夠熱，拉低白武骨湯同沾麵嘅整體味道。▫️🔹蕃茄叉燒拉麵 $85朋友覺得蕃茄湯拉麵唔係間間有就叫嚟試下，有淡淡嘅蕃茄味，麵條有啲似粗身同硬身少少嘅公仔麵。▫️拉麵店通常只有炸雞同餃子等小食，呢間就有成10樣小食，所以我哋揀咗好耐，最後揀咗應該點都會好食嘅炸雞同好少喺拉麵店食到嘅比目魚黃金燒！🔸武藏炸雞(芥末醬) $38店鋪推界嘅炸雞淋咗好多芥末醬，唔太辣，炸得啱啱好，外皮金黃色，雞肉嫩滑有肉汁，幾好食！🔹比目魚黃金燒 $48有好多焗芝士喺面，肉質好似熟三文魚。