紅館 (海堤街)

營業中

休息中

原來鰂魚涌咁多小店，好多嘢想食，撞正放飯時間間間舖頭都好多人。由於好想食辣野就揀咗呢間巷仔嘅小店。佢舖頭唔算大，但晏晝時間都坐滿左人，而落完單之後可以自己喺收銀隔離拎餐具。重慶水煮 （龍脷柳/牛肉/羊肉/蔬菜）$73可能主打嘅關係，款式都比較多，平日可能得一款至兩款。一嚟到見到佢好多大辣椒同埋偏紅，但佢唔係想像中咁辣，個味幾開胃，食完一塊又一塊，難怪佢呢度有得買自己嘅辣油，啱食嘅可以買一樽返屋企。紅油口水雞 $70又係滿滿辣椒嘅口水雞，我鍾意佢嘅味，又係食完一件雞又一件，絕對唔好俾佢啲辣椒嚇親，其實冇想像中咁辣，至少我食得晒成碗雞，仲食晒佢嘅花生。招牌麻辣大波波魚蛋 +$6午餐時間可以加$6要一粒，佢出到嚟真係真係長洲大魚旦嘅size，都幾彈牙。大紅袍 +$9都係午餐時間可以加錢換，如果唔係就$12一支整體來講去都係好食，如果喺鰂魚涌係值得食呢間，我覺得好開胃，好啱我口味。